ლევან გელაძის საიუბილეო საღამოსადმი მიძღვნილი ღონისძიება

2017 წლის 5 დეკემბერს, ჩვენს სახელოვან მამულიშვილს, თანასოფლელს, ნიჭიერ ექიმს, მწერალს, პოეტსა და საზოგადო მოღვაწეს  ლევან გელაძეს დაბადებიდან 85–ე წელი შეუსრულდებოდა... საიუბილეო თარიღთან დაკავშირებით, დღეს მის მშობლიურ, ღურტის საჯარო სკოლაში მე–7 კლასის მოსწავლეებმა ღონისძიება გამართეს...პატარა მასპინძლებმა ჩვენს თვალწინ კიდე ერთხელ გააცოცხლეს ლევან გელაძის შემოქმედება– მისი პოეზია, პროზა, პუბლიცისტიკა, მოგონებები მთიელ ვაჟკაცზე... მისი ცხოვრებისა და შემოქმედების ამსახელი კადრების ფონზე გაისმოდა: „მწვანე აკვანი“ და „მზე მამულში“, „ღვინის წყარო“ და „ქალის სულში“, „მარად სულში მიზიხარ“ და „ერთი სიტყვა“... ძნელია ერთი თვალის გადავლებით შევაფასოთ ის მდიდარი შემოქმედებითი საგანძური, რაც მისმა გენიამ დაგვიტოვა...

ღია გაკვეთილი თემაზე: "ანიმაციები PowerPoint-ში"

 დღეს, 20 დეკემბერს მე–6 კლასში ჩავატარე ღია გაკვეთილი თემაზე: "ანიმაციები PowerPoint-–ში". გაკვეთილის მიზანი იყო : საპრეზენტაციო პროგრამაში სლაიდებისა და სლაიდების ობიექტების ანიმაციის შესწავლა, საჭირო ობიექტების ადეკვატური გამოსახვის შესაძლებლობების გაცნობა.

     გაკვეთილის მსვლელობის დროს  მივაღწიე  გეგმით განსაზღვრულ  შედეგს მრავალფეროვანი აქტივობებით.  გაკვეთილის დასაწყისში მოსწავლეებს შევახსენე ქცევის და კომპიუტერთან მუშაობის წესები, რომელიც მათი ჩართულობით იყო შემუშავებული.

  წინარე ცოდნის გააქტიურების დროს მქონდა საკმაოდ სახალისო აქტივობა, ფერადი ფორცლებისგან გამოჭრილ სხვადასხვა ფერის, სხვადასხვა ფიგურებზე მქონდა დაბეჭდილი კითხვები, შემთხვევითობის პრინციპით დავურიგე ბავშვებს და მათ მიერ გაცემული პასუხები შევადარეთ საპრეზენტაციო პროგრამაში ჩემს მიერ, წინასწარ მომზადებულ პასუხებს:

    საქაღალდეში „ჩემი ნამუშევრები“,მოსწავლეებს მოთავსებული ჰქონდათ  წინა გაკვეთილზე შექმნილ სლაიდები „წელიწადის 4 დრო“, ანიმაციების გამოყენებით გავაცოცხლეთ და ავამოძრავეთ ჩვენი საყვარელი ფიგურები

   გაკვეთილის მსვლელობის დროს  მივაღწიე  გეგმით განსაზღვრულ  შედეგს, მრავალფეროვანი აქტივობებით.  გაკვეთილი გამოვიდა საინტერესო, სახალისო,ინტერაქტიული. მოსწავლეები აქტიურად იყვნენ ჩართულნი კითხვა-პასუხში, ჯგუფურ მუშაობაში. ვთვლი რომ აქტივობები მიზანთან შესაბამისობაშია. გამოყენებულია შესაბამისი სწავლების მეთოდები, სტრატეგიები, ორგანიზების ფორმები და შეჯამების სტრატეგიები.

ღია გაკვეთილი თემაზე: "ფაილი და საქაღალდე"

  2017 წლის 5 დეკემბერს ჩავატარე გაკვეთილი მე-5 კლასში, თემაზე: ფაილი და საქაღალდე. გაკვეთილის მიზანი იყო მოსწავლეს გაეცნობიერებინა მოწყობილობაში მონაცემთა შენახვის იერარქია (ფაილი, საქაღალდე, ქვესაქაღალდე); დაეჯგუფებინა ფაილები საქაღალდეებში, ხოლო საქაღალდეები ქვესაქაღალ­დეებად, გააზრებულად მიენიჭებინა  სახელწოდებები საქაღალდეებისა და ქვესაქაღალდეებისათვის, ლოგიკურად დაელაგებინა ფაილები და საქაღალდეები მონაცემთა ეფექტიანად შენახვის, მოძებნის და წაკითხვის მიზნით;

      გაკვეთილის მსვლელობის დროს  მივაღწიე  გეგმით განსაზღვრულ  შედეგს, მრავალფეროვანი აქტივობებით.  გაკვეთილის დასაწყისში მოსწავლეებს შევახსენე ქცევის და კომპიუტერთან მუშაობის წესები, რომელიც მათი ჩართულობით იყო შემუშავებული. გავააქტიურე წინარე ცოდნა კითხვა- პასუხის მეთოდით.

  წარმატებულად შეიძლება ჩაითვალოს გაკვეთილის პრაქტიკული ნაწილი, N6 აქტივობა მიზნად ისახავდა მიღებული ცოდნის პრაქტიკულში გადატანას კომპიუტერის გამოყენებით, მოსწავლეებმა შეძლეს გაერჩიათ ფაილები ტიპების მიხედვით–ტექსტური, გრაფიკული, ვიდეო, აუდიო.შექმნეს ფაილები, საქაღალდეები, ფაილები დააჯგუფეს საქაღალდეებში, საქაღალდეებს დაარქვეს სახელები მათში არსებული ციფრული მასალის ფორმატის მიხედვით. ბოლოს ყველა ეს საქაღალდე მოათავსეს ერთ ძირითად საქაღალდეში, რომელსაც შექმნის დროს თავიანთი სახელები დაარქვეს–აღნიშნულმა დავალებამ დაეხმარა მოსწავლეებს თუ რა არის ძირითადი საქაღალდე და ქვესაქაღალდე. გამოყენებული მქონდა სხვადასხვა სახალისო რესურსი, რამაც  მოსწავლეებში  დადებითი ემოცია გამოიწვია, აუდიო ფაილის დემონსტრირება გავაკეთე საბავშვო მუსიკით, ვიდეო ფაილის დემონსტრირება საბავშვო სახალისო ვიდეორგოლით „მოკოლენდი“,  A4 ტიპის ფურცლებზე ამობეჭდილი ტექსტები და ლამაზ ფერებში გამოსახული გრაფიკული გამოსახულებები დააჯგუფეს ტიპების მიხედვით. გაკვეთილი მნიშვნელოვანი გამოვიდა იმით, რომ მოსწავლეებმა შეძლეს ისტ-ის საშუალებების ეფექტურად გამოყენება ინფორმაციის მოძიების, წაკითხვის, დახარისხებისა და შენახვის მიზნით. გაიაზრეს ის რომ, გაკვეთილის ერთ-ერთი მთავარი მიზანი  მიღებული გამოცდილების რეალურ ცხოვრებაში გამოყენებაა. 

სადამრიგებლო საათის გეგმა N8

მე–7 კლასის სადამრიგებლო საათი N8

2017 წლის 29 ნოემბერი

კლასის ხელმძღვანელი: მზია კახაძე

თემა:წესები, რომელოც ჭირდება საზოგადოებას

ვუკითხავ სხვადასხვა სიტუაციებს:

წარმოიდგინე, რომ მიდიხარ ქუჩში და ძალიან მოგინდათ ნაყინი. ნაყინის მირთმევის შემდეგ ხელში შეგრჩათცარიელი ქაღალდი. როგორ მოიქცევით: ქაღალდს იქვე გადააგდებთ, თუ უახლოეს ნაგვის ურნას იპოვით? პასუხი დაასაბითეთ.

ახალი წელი მოდის და საახალწლო ბუნებრივი ნაძვის ხე გინდათ რომ გქონდეთ. როგორ მოიქცევით? იყიდით გასაყიდად გამოტანილ ბუნებრივ ნაძვის ხეს, თუ ახლომდებარე ტყის მასივში პატარა, ლამაზ ნაძვის ხეს შეარჩევთ და მოჭრით? პასუხი დაასაბუთეთ.

ვაწყობ კლასთან დისკუსიას აღნიშნული სიტუაციებიდან გამომდინარე, ვესაუბრები მათ, რომ კანონები მხოლოდ კანონმდებელთა ახირება კი არ არის, არამედ მათი შესრულება, ადამიანთა კეთილდღეობას ემსახურება. თუ წარმოვიდგენთ, რა შეიძლება მოჰყვეს ფანჯრებიდან ნაგვის გადმოყრას, ტყეების გაჩეხვას და ასე შემდეგ.

გასაგებია, რომ ადამიანს, რომელიც თავის გადამუშავებულ ნაგავს არ აგდებს ურნაში –  არა აქვს ამის ჩვევა და კულტურა.

გასაგებია, რომ ის არ ფიქრობს ამ შემთხვევაში გარემოს დაბინძურებაზე და მსგავს ’გლობალურ თემებზე’.

გასაგებია, რომ ის არ ფიქრობს ელემენტარულად გარემოს ესთეტიურობაზე და ლამაზად შენახვაზე.

მაგრამ გაუგებარია რატომ სწყინს, როცა მას ვინმე უკულტუროს დაუძახებს? რატომ უჩნდება პროტესტის გრძნობა?

ხო დაყარე ნაგავი? ხო არ შეიწუხე თავი ურნამდე მიტანით? ხო არ გაქვს სილამაზის ან ესთეტიკის გრძნობა? ხომ არ უსწავლებიათ და ჩაუნერგავთ შენთვის ელემენტარული ჩვევები? ხომ მოგწონს ნაგავში ცხოვრება?

მაშინ რატო გწყინს ერთი ბეწო სიმართლე? რატო გამოთქვამ პრეტენზიებს?

დაყარე? გაჩუმდი! და აღიარე!

დასკვნა: კანონები რომლებიც ემსახურება ადამიანის უფლებების დაცვას, მათ კეთილდღეობას, მშვიდობიანი გარემოს შექმნას, თავად მოქალაქეებისთვისაა აუცილებელი და მათი აღსრულება იძულებითი არ უ

სადამრიგებლო საათის გეგმა N7

მე–7 კლასის სადამრიგებლო საათი N7

2017 წლის 24 ნოემბერი

ხელმძღვანელი: მზია კახაძე

სირთულეების დაძლევა მეგობრობის სფეროში; ერთმანეთს უნდა დავეხმაროთ, არ შეიძლებავინმეს დავცინოთ, გავრიყოთ

 ვსთავაზობ მოსწავლეებს დასასრულებლად წინადადებას „მე შემიძლია...“

მოსწავლეები ასრულებენ წინადადებას, მაგ., „მე შემიძლია კითხვა, ხატვა...“ მასწავლებელი სთავაზობს სადისკუსიო თემებს:

·         ყველას შეგვიძლია მეგობრობა?

·         შესაძლებელია მეგობრობის უნარის განვითარება?

·         როგორ ვიქცევით, როდესაც ზოგჯერ გულს ვტკენთ მეგობარს?

·         შეგვიძლია ბოდიშის მოხდა? პატიება?

ვესაუბრები პატარა ბიჭუნაზე, მათ თანატოლზე, რომელმაც ერთ დღეს დედიკოს გამოუცხადა, რომ აღარასდროს წავა თავის სკოლაში, ვინაიდან ის იქ არავის უყვარს.

დამრიგებელი ეკითხება მოსწავლეებს, თუ რა შეიძლება იყოს ამის მიზეზი. ბავშვების მოსაზრებებს დაფაზე წერს და თხრობას აგრძელებს:

„დედას ეს ამბავი ძალიან გაუკვირდა, ვინაიდან იცოდა, რომ მისი შვილი ძალიან კარგად სწავლობდა. მასწავლებელი მისით ყოველთვის კმაყოფილი იყო. ნუთუ შესაძლებელია სკოლაში მოსწავლეს მხოლოდ იმ მიზეზით არ უნდოდეს წასვლა, რომ მეგობრებთან უთანხმოება მოუვიდა?”

დამრიგებელი წამოჭრის სადისკუსიო საკითხებს: კარგი განწყობისთვის რა უფრო მნიშვნელოვანია მესამეკლასელთათვის: სწავლაში წარმატებები თუ მეგობრებთან კარგი დამოკიდებულება? დამრიგებელი აჯამებს, რომ ორივე მნიშვნელოვანია და სთხოვსმოსწავლეებს, მოიფიქრონ რჩევები პატარა ბიჭუნასთვის.

შესაძლებელია დამრიგებელმა აქაც გამოიყენოს დიდაქტიკური ზღაპარი.

პატარა კურდღელი

პატარა კურდღელი დილის 7 საათზე მაღვიძარას ხმამ გამოაფხიზლა. სასწრაფოდ წამოხტალოგინიდან. ეს ძალიან მნიშვნელოვანი დღე იყო მისთვის, რადგან კურდღლების სკოლისმოთხილამურეთა შეჯიბრში უნდა მიეღო მონაწილეობა.

ზუსტად 8 საათზე ფიზკულტურის მასწავლებელმა ნიშანი მისცა მონაწილეებს და შეჯიბრიც დაიწყო. პატარა კურდღლის გუნდმა ძალიან კარგად დაიწყო შეჯიბრი. მათ ძალიან სწრაფად ჩამოიტოვეს უკანმოწინააღმდეგეები. პატარა კურდღელი ისეთი სისწრაფით მიჰქროდა, რომ ყურები ალმებივითუფრიალებდა. ამ დროს სათხილამურო ტრასაზე უსუსური ბარტყი შენიშნა, მთელი ძალით აუქციაგვერდი, მაგრამ თვითონ თავი ვერ შეიკავა, ბუჩქებში ჩავარდა და თხილამურიც გადაუტყდა. მისმაგუნდმა შეჯიბრი წააგო. . .

პატარა კურდღელს შემოეხვივნენ გუნდის წევრები და გულშემატკივარი კლასელები.

უმწეო ბარტყი მათ ვერ შენიშნეს და ამიტომ ჩვენს პატარა კურდღელს ჩხუბი დაუწყეს:

„შენს გამო წავაგეთ! ასეთი რამ როგორ დაგემართა?!“ გუნდის წევრები იმდენად გაბრაზებულებიიყვნენ, რომ არც აცალეს პატარა კურდღელს წარუმატებლობის მიზეზის ახსნა.

პატარა კურდღელი სახლში ძალიან მოწყენილი დაბრუნდა. დედიკო სტაფილოს წვენითგაუმასპინძლდა, ანუგეშა კიდეც, მაგრამ ვერაფრით გამოუსწორა გუნება-განწყობილება. მეორე დღესსკოლაში მეგობრებმა ხმაც კი არ გასცეს. ასე გაგრძელდა მთელი კვირა. პატარა კურდღელმა იმდენიინერვიულა, რომ ერთ კვირაში 5 ლურჯი ვარსკვლავი მიიღო.

ორშაბათს სკოლაში კონკურსი გამოცხადდა საუკეთესო ხის ნამუშევრების შესაქმნელად. ხის ნივთებისკეთება ძალიან კარგად შეეძლო ჩვენს კურდღელს.

ზოგმა მოსწავლემ ხის კოვზების კეთება დაიწყო, ზოგმაც - სამარილეების. მოგეხსენებათ, ხეზე მუშაობაარცთუ იოლი საქმეა. პატარა კურდღლებს გაუჭირდათ და დახმარებისთვის ფრთხილად, გაუბედავადმიმართეს ჩვენს პატარა კურღელს.

ჩვენი კურდღელი ძალიან კეთილი გახლდათ და ყველას დაეხმარა. უხსნიდა იარაღების გამოყენების, ორნამენტების გამოჭრის ხერხებს. კლასელებიც ისევ პატივისცემით განიმსჭვალნენ მისდამი.

გამოფენაზე ყველაზე ლამაზი და დახვეწილი ნამუშევრები ჩვენი პატარა კურდღლის კლასელებმაწარმოადგინეს. კლასელები მიხვდნენ თავიანთ შეცდომას და ჩვენს კურდღელს ბოდიში მოუხადეს. მასაც შესაძლებლობა მიეცა, აეხსნა თანაკლასელთათვის შეჯიბრის დროს წაქცევის მიზეზი. კლასელებსძალიან შერცხვათ.

უცებ საგამოფენო დარბაზში ჩიტი შემოფრინდა და პატარა კურდღელს წერილი გადასცა - იმ ბარტყისდედისაგან იყო მადლობა, რომელიც კურდღელმა გადაარჩინა.

შეკითხვები 1.                 რა შეემთხვა შეჯიბრზე პატარა კურდღელს? 2.                 რატომ გაბრაზდნენ მისი თანაკლასელები? 3.                 როგორ შეაფასებდით თანაკლასელთა ქცევას? 4.                 თქვენ როგორ მოიქცეოდით მათ ადგილზე?