სადამრიგებლო საათის გეგმა N1

2017 წლის 5 ოქტომბერი

სადამრიგებლო საათის გეგმა N1

მე–7 კლასი

კლასის ხელმძღვანელ: მზია კახაძე

მიმართულება: პიროვნული, მორალური და სოციალური განვითარება;

თემა: ტყუილს მოკლე ფეხები აქვს

მიზანი: მოსწავლეები გააცნობიერებენ რამდენი სირთულე შეიძლება მოჰყვეს ტყუილის თქმას, რომ არ უნდა მოიტყუონ;

მიმდინარეობა: მოსწავლეებს ვუსვამ შეკითხვებს: რატომ იტყუებიან ზოგჯერ ადამიანები? რა განსხვავებაა თქვენი აზრით ფანტაზიასა და ტყუილს შორის? ვსთავაზობ მინი დისკუსიას: „ყოველთვის ზიანის მომტანია ტყუილი?

შემდეგ ვუკითხავ სიტუაციას:

  ნინიკომ მე–8 კლასი დაასრულა თუ არა, სხვა სკოლაში გადაწყვიტა გადასვლა. ახალი სკოლისა და შთაბეჭდილებების მოლოდინში დასასვენებლად ბორჯომში გაემგზავრა. იქ თავისი თანატოლლები გაიცნო, რომლებიც ძალიან მოეწონა დათთან დამეგობრების დიდი სურვილი გაუჩნდა. ახალ ნაცნობებზე  შთაბეჭდილებების მოხდენის მიზნით გოგონამ, ფანტაზიორობა დაიწყო. უამბო, რომ მას ჰყავს ულამაზესი დოგი, რომელსაც სხვადასხვა შეჯიბრებებზე უამრავი ჯილდო აქვს მიღებული, ჰყავს უფროსი ძმა, გამოჩენილი სპორტსმენი. თვითონ კი აქვს პეპლების უნიკალური კოლექცია, რომელიც ალჟირში ცხოვრების დროს შეაგროვა.

   საკუთარ თავზე ინფორმაციის მიწოდების შემდეგ ნინიკო დაინტრესდა, თუ რომელ სკოლაში სწავლობდნენ ახალი ნაცნობები. წარმოიდგინეთ, მისი მდგომარეობა, როდესაც ამოჩნდა, რომ ნაცნობები იმავე, ახალი სკოლიდან იყვნენ.

 შეკითხვები: 1. თქვენი აზრით როგორ უნდა მოიქცეს ნინიკო?

                         2. რატომ დაიწყო ტყუილების მოყოლა?

                          3. რას ურჩევდით, ახალი ნაცნობობის შეძენისას, როგორ სჯობს მოიქცეს?

სიტუაციების გარჩევის შემდეგ  ვესაუბრები ტყუილის თქმის სავარაუდო მიზეზებზე: ადამიანები ხშირ შემთხვევაში მაშინ ვიტყუებით, როდესაც გარკვეული მოქმედება უკვე განხორციელებულია და მის მართებულობაში უკვე ეჭვი გვეპარება.

გარდა ამისა, ადამიანები შეიძლება ცრუობდნენ ისეთ სიტუაციაში, როდესაც არჩევანის გაკეთება უხდებათ ორ უსიამოვნო გარემოებას შორის: როდესაც სიმართლის თქმით შეიძლება მეორე ადამიანს გული ვატკინოთ და მასთან ურთიერთობა ,,გავიფუჭოთ“. ტყუილის თქმით შეიძლრბა არ დაიძაბოს სიტუაცია მაგრამ ტყუილის თქმას ყოველთვის ახლავს დანაშაულის ან სირცხვილის გრძნობა, მაგრამ იმ კონკრეტულ შემთხვევაში ურთიერთობის დაძაბვას ტყუილს ვამჯობინებთ.

შეკითხვები: 1. როგორ სჯობს ასეთ სიტუაციაში მოქცევა?

                       2. რეალურად როგორ არჩევანს ვაკეთებთ ცხოვრებაში?

ვესაუბრები, იმის შესახებ რომ განვასხვავოთ ერთმანეთისგან ორი მცნება: განზრახვა და ქცევა.

განზრახვა არის ადამიანის მზაობა განახორციელოს კონკრეტული ქცევა, განზრახვის შესახებ იცის მხოლოდ სუბიექტმა, გარშემომყოფისათვის კი ის ცნობილი ხდება მხოლოდ ქცევის განხორციელების შემდეგ;

ქცევა კი რეალობაში განხორციელებული განზრახვაა, რომელზეც დაკვირვება შეუძლიათ გარშემომყოფებს.

როდესაც ადამიანი ცრუობს ის ცუდად იქცევა, მაგრამ თუ გავითვალისწინებთ იმას, რომ ადამიანს, რომელმაც მოიტყუა, სიტუაციიდან გამომდინარე, შესაძლოა სხვა გზა არ ჰქონდა ან იმ მომენტში ვერ მოიფიქრა უკეთესი გამოსავალი, ამ არგუმენტებზე დაყრდნობით, შეგვიძლია გამოვყოთ ის სავარაუდო მიზეზები, რის გამოც შეიძლება ადამიანებმა იცრუონ:

ü     არ სურთ სხვა ადამიანისთვის გულის ტკენა;

ü     სურთ თავიდან აიცილონ დასჯა;

ü     სურთ თავიდან აირიდონ კონფლიქტი;

ü     არ სურთ გაამხილონ სიმართლე, რომელიც მათ ნაკლოვან მხარეს წარმოაჩენს;

ü     სურთ სხვებთან უკეთ წარმოაჩინონ საკუთარი თავი;

თუ მიზეზებს ყურადღებით გავაანალიზებთ, აღმოვაჩენთ, რომ ადამიანები ხშირ შემთხვავაში ცრუობენ რაღაცის ან ვიღაცის მიმართ შიშის გამო, მაგალითად, არ გსურთ გამხელა, რომ სკოლაში გაკვეთილები გვიან კი არ დაგვიმთავრდა, არამედ მეგობრებთან ერთად გარკვეული დრო სკოლის ეზოში დავყავით, ვინაიდან გვეშინია, რომ მშობლები გაგვიწყრებიან. ამ შემთხვევაში პრობლემა შემდგომში მდგომარეობს: გიჭირთ უფროსებთან იმის აღიარება, რომ ,,წესი დაარღვიეთ’’, ასეთ შემთხვევაში ღიად საუბრობთ იმის თაობაზე, რომ გარკვეული დროის გატარება გსურთ მეგობრებთან და თავს ვარიდებთ უფროსებთან ამის თაობაზე წინასწარ შეთანხმებას.

შეჯამება: სიცრუეს ზოგჯერ განაპირობებს საკუთარი ,,სისუსტეების’’ არაღიარება. მაგრამ მნიშვნელოვანია, ვიცოდეთ, რომ შიშის გრძნობა ან სიზარმაცე ყველა ადამიანისათვის დამახასიათებელი თვისებებია და სჯობს მის დაძლევაზე მუშაობა, ვიდრე კიდევ ერთი მანკიერი თვისების– მატყუარობის განვითარება.