სადამრიგებლო საათის გეგმა N4

2017 წლის 26 ოქტომბერი

სადამრიგებლო საათის გეგმა N4

მე–7 კლასი

კლასის ხელმძღვანელ: მზია კახაძე

მიმართულება: პიროვნული, მორალური და სოციალური განვითარება;

თემა:კამათის ხელოვნება

კლასსაათს ვიწყებ კითხვებით:

1.      გიყვართ კამათი?

2.      ხშირად კამათობთ ხოლმე?

შემდეგ ვსთავაზობ მოსწავლეებს შემდეგ სიტუაციას:

„კოტე მე–9 კლასის მოსწავლეა. ის ძალიან აქტიური და ემოციური ადამიანია. მას ერთი საინტრესო თვისება აქვს: ყოველთვის დარწმუნებულია საკუთარ სისწორეში და სხვადასხვა თემაზე ხშირად ეკამათება მასწავლებლებს, თანატოლებს, მშობლებს. თანაც თემას დიდი მნიშვნელობა არა აქვს – იქნება ეს სპორტი, პოლიტიკა თუ ხელოვნება. თანაც კამათის დროს კოტე ყოველთვის ხმას უმაღლებს და ძალიან ბრაზდება, თუ ვინმე მის საწინააღმდეგო აზრს გამოთქვამს. ხშირად კამათი ჩხუბითა და კოტეს გაბუტვით მთავრდება. ასე ეცლება მეგობრები კამათის მოყვარულ კოტეს. იგი ზოგს შეურაცხყოფას აყენებს, ზოგსაც ებუტება. ასე რომ, ახლა ბიჭები მასთან პოლემიკაში შესვლას გაურბიან, მასწავლებლები კი სიმშვიდისკენ მოუწოდებენ.

კოტე მართლაც ცუდ დღეშია, ვინაიდან საკუთარი აზრების დემონსტრირება აღარავისთან შეუძლია“

შემდეგ ვმართავთ დისკუსიას შემდეგი საკითხების ირგვლივ – „როგორ ფიქრობთ, როგორ უნდა მოიქცეს კოტე?“  „რა უნდა გაითვალისწინოს კოტემ კამათისას?’’

შ ე ჯ ა მ ე ბ ა :

კამათის დროს აუცილებელია, ელემენტარული წარმოდგენა გვქონდეს საკითხზე, რომელზედაც ვსაუბრობთ, აუცილებლად უნდა მოვუსმინოთ მეორე მხარეს. მოსაზრების გამოთქმა კი, სასურველია შემდეგი სიტყვებით დავიწყოთ: „ჩემი აზრით...“ ვინაიდან, ხშირად ადამიანები სწორედ ისეთ თემებზე ვკამათობთ რაც ძალიან სუბიექტურია.